حوار صحفي يجمع بين صحفية -جريدة كُتاب طيـف 'انجي محمد' والكاتب أحمد محمد هندي'
السلام عليكم
انا الصحفية/ انجي محمد
من جريدة كُتاب طيف الأدبية، ممكن اعمل معاك حوار صحفي؟
طبعا دا شرف ليا
1-ممكن تعرف نفسك في بضعة سطور؟
اسمي أحمد محمد هندي من المنوفية عمري قرابة ال ١٨ سنة
2-ممكن تقولنا بدأت كتابه أمته؟
بقالي حوالي تلات شهور.
3-مين أكتر الشخصيات الـ قابلتك في مجال الكتابة وأثرت فيك گـ كاتب؟
صراحة مفييش لأني مكنتش بعتمد على حد في مواهبي لأني بحب أعمل كل حاجة بنفسي لنفسي لئلا يكون شخص آخر سبب في نجاحي وفي النهاية يعايرني كده وده شئ غير لائق في التفكير بس هو أنا شخصيتي كده
4-هل واجهتك صعوبات في المجال وإزاي تخطتها واتعاملت معاها؟
بالنسبة ليا شخصيا في المجال لم تواجهني مشاكل ولكن المشاكل بدأت تظهر عند بداية تأسيس كياني ومؤسستي علشان الحمل كان تقيل جدا وتخطيتها عن طريق العناد مع ذاتي اللي هو كل ما شخص ينتقدني بنسى كل التعب ومرة واحدة أقوم مغير زاوية الرؤية للشخص ده ب ٣٦٠ درجة ناحيتي فا كرهي للانتقاد ده ممكن يخليني أعمل حاجات أنا مقدرش عليها وأنا في كامل تفكيري الواعي
5-بالنسبالك الكتابة هواية او موهبة ولا ممكن اي شخص يكتب عادي؟
الكتابة بالنسبة ليا موهبة بدليل اني لسه بادئ من حوالي ٣ شهور
6-من رأيك الكاتب المثالي او الناجح بيتصف ب اي؟
الكاتب بالنسبة لوجهة نظري لا يتصف الا بالخلق الحسن لأن دي العلاقة اللي بين الكتابة والكاتب
7-مين مثلك الأعلي؟
مفييش حد
8-مين وقف جمبك وشجعك ف أول خطوة ليك ف المجال؟
محدش أنا بدأت لوحدي بس في المؤسسة والكيان لاقيت اللي واقف جمبي
9-كلمنا عن انجازاتك؟
١- بعمل دائما مسابقات لدعم الكتاب وتحفيزهم
٢- كيان نانيس اللي برده يعتبر من الكيانات الكبرى وان مكانش كبير بما فيه الكفاية
٣- مؤسسة نحن الأقوى التحديث النهائي لمبادرة نانيس
٤- معايا اللغة الإيطالية واللغة الإنجليزية
٥- تحتوي المؤسسة على اكثر من ٢٠ كورس مختلف منهم ٩ لغات والكورسات جميعها مجانية
10-كلمنا عن خططك المستقبلية ف مجال الكتابة؟
١- إنشاء دار نشر ورقية وإلكترونية
٢- عمل مراكز إقليمية للمؤسسة في كل أقاليم مصر
٣- إنشاء جريدة موثقة معتمدة على أرض الواقع وأخرى إلكترونية
٤- عمل حفلات كثيرة ومسابقات أكثر لدعم الكتاب والمواهب
وكل هذه الأشياء تعمل المؤسسة في الوقت الحالي على إنشاءها
11-هل عندك مواهب تانية؟
السباحة
12-تتمني اي من المؤسسة الفترة الجاية؟
تقدر تبقي المؤسسة الأكبر تضامنا وتكافلا لدعم الناس في مصر وفي خلال عامين فقط
13-وجه كلمه للكُتاب والجريدة؟
لو محتاج تبقا شخصية حقيقية لا تعتمد على الآخرين وصدقني مفييش حد هيخاف عليك اكتر من نفسك وخليك ماسك في اللي نفسك فيه ومتسبهوش بسبب كلام الناس
14-كلمة أخيرة نختم بيها الحوار الصحفي؟
أنا بإذن الله أحمد محمد هندي اللي بادئ بقاله تلات شهور هبقا بإذن الله نمبر وان والأول في مصر في المجال ده وده بتمناه بجد وكل يوم بقرب منه أكتر وأكتر
وفي الختام: كنت حقًا سعيدة بعمل هذا الحوار مع الموهبة الشغوفة أحمد محمد هندي..مازال لم يتخطى الثامنة عشر بعد وقد حقق الكثير من الإنجازات منها كيان نانيس والذي أعد إبنة من أبنائه وكذلك مباردة نحن الأقوى تلك المبادرة التي تهتم بزيادة العلم والمعرفة لدى الشباب ودعم المواهب وزيادة الثقافة من خلال تقديمها العديد من الكورسات في مختلف المجالات بالمجان لكي تكون متاحة لجميع طبقات المجمتع، أتمنى إليه التوفيق وتحقيق ما يريد تحقيقه. وشكرا على هذا الحوار اللطيف.
الصحفية: انجي محمد "أنچو"
إرسال تعليق