سأكون ما أريد:
مستر محمد: مريم دي تالت مره تجيبى نفس الدرجه وانا كنت فاكر ان مستواكي فى الفيزياء بس
بس للاسف فى كل المواد نفس المستوى وكمان نفس الدرجات فى كل المواد يامريم انا كنت فاكر المشكله عندى انى مش عارف اوصلك الماده بس برضو كل زمايلي مش عارفين يوصلولك برضو المواد يامريم انتى فى ثانويه عامه وطالما دراجتك كده من اول سنه فيما بعد هتعملى ايه انا كنت فاكر التقصير منى بس مش معقول كل زمايلي مقصرين معاكى
وكل زمايلك مستواهم حلو وفى بعض الناس بيقع منهم حاجات بس مش لدرجه دي يامريم
مريم: الدموع فى عيونها والله يامستر بذاكر بس مش عارفه المشكله
مستر محمد: بيمدلها ورقه الامتحان اجابتك يامريم مش باين منها انك بتفتحى الماده
مريم: اخدت الورقه وهى بتبكى
مستر محمد: انا اسف يامريم بس انا لازم ابلغ والدك
مريم: لا والنبى بلاش بابا يامستر دا ممكن يقعدنى فى البيت بلاش والنبى
مستر محمد: ماشي يا مريم مش هبلغه المره دي بس لو الامتحان الجاى كان مستواكي نفسه سواء فى الماده بتاعتى او باقى المواد انا هبلغ والدك
مريم: تمام يامستر شكرا لحضرتك عن اذنك
مستر محمد: اتفضلى
خرجت مريم من عند المستر محمد ودموعها فى عينها وفضلت تتمشى لحد ماوصلت لنيل وقعدت وهى بتفكر ليه بيحصل معها دا كله
«انا مريم عندى 16سنه فى اولى ثانوى ومستويا ضعيف خالص بعكس مستوايا لما كنت في تالته اعدادي اى نعم مكنتش بطلع من الاوائل بس كنت بجيب درجات كويسه ومن اول مادخلت ثانوى بالرغم من انى بذاكر بس لمااكون قدام الاسئله بحس نفسي انى قدام ماده تانية ومش بعرف احل حاجه وكل المدرسين بيعتبونى على درجاتى لمش بتعدى النص حته وفاكرين انى مش بذاكر وبابا راجل عصبى جدا ومكنش حابب انى اكمل بس مع اصرارى وتدخل قرايبى وافق بصعوبه بس ديما كان بيقولى لو حصلت اى مشكله او منجحتيش هيقعدنى فى البيت»
فاقت مريم من شرودها على صوت تلفونها وهو بيرن
مريم: الو ايوه يابابا
الاب: انتى فين يازفته كل ده
مريم: انا جايه يابابا خلصت الدرس وجايه
الاب: يارب ننفع بعد كل الدروس دى ونطلع بنتيجه
مريم: ان شاءالله يا بابا
الاب: ان شاءالله ياختى يلا وتعالى
مريم:بقلة حيله حاضر
وصلت مريم البيت
الاب:اهو شرفت الست هانم
مريم:عامل ايه يابابا
الاب: تمام ياختى
مريم:عامله ايه ياماما
الام:تمام الحمدلله ياحبيبتي ادخلى غيرى هدومك لحد مااحط الاكل
مريم:حاضر
دخلت مريم اوضتها واترمت على السريروفضلت تعيط وافتكرت لما خلصت تالته اعدادي
فلاش باك
مريم:والنبى ياباباوافق ادخل الثانوى
الاب:اناقولت لا يعنى لا
مريم:والنبي بابا
الاب:كفايه رغى قولت لا
دخلت مريم اوضتها وفضلت تعيط
وبعد صعوبه وتدخل القرايب و اكتر من حد وافق والدها بس بشرط لوحصل منها اى شكوه او نزلت سنه هيسحب ملفها
باك
قامت مريم من على السرير ومسحت دموعها وقالت وانا مش هستسلم وهوصل ومش هسمح انى بعد ماوصلت لهنا ارجع للصفر تانى
وغيرت هدومها واتوضت وصلت وقرات قراءن ورفعت ايدها وقالت
«عارفه هترضينى وانا واثقه »
وطلعت واكلت مع والدها والدتها
ودخلت اوضتها تانى وجابت كتب الفيزياء وفضلت تذاكر وكل ما ياذن الاذان تقوم تصلى وتقول«هترضينى وانا واثقه »
وفضلت تذاكر لحد ماالفجر اذن وقامت وصلت وقرات وردها وكانت دايمابتردد جمله «هترضينى وانا واثقه »
وبداء مستوى مريم يبقى احسن من الاول بكتير والمدرسين فرحو بيها اوى وكانوا ديما بيشجعوها
وعدت سنه اولى بمجموع96٪
وسنه تانيه بمجموع 98٪وكان مستواها فى كل سنه احسن بكتير من السنه لقبلها وبمجموع احسن
لحد ماوصلت تالته ثانوي
وكانت قلقانه والخوف احيانا بيدخل لقبلها وبيحاول يخليها تستسلم بس هى ديما كانت بتقف قدامه وبتكمل وكانت بتذاكر باكتر طاقه عندها وكانت ديمابتقول جملتها هى وبتصلى وهى وماشيه وهى بتذاكر «هترضينى وانا واثقه »
وخلصت امتحانات الثانويه العامه وجه يوم النتيجه
كانت واقفه جنب والدتها والدها لكان عايز يجيب النتيجه لبنته وكان ديما بيشوف لبتعمله اى حد ممكن يعمله وكان ديما يتمنى ليها الفشل عشان يعمل لفى دماغه ويقعدها فى البيت
مريم فى نفسها متخفيش احنا بنقول ايه دايما «هترضينى وانا واثقه » يارب
الاب:ظهرت
الام:ايه عملت ايه
الاب:ونظره الهزيمه فى عينيه 98٪
مريم:وقعت على الارض وفضلت تعيط شكرا يارب شكرا
كنت واثقه هترضينى شكرا
امها حضنتها الف مليون مبروك يا حبيبتي احلى مهندسه فى الدنيا الف مليون مبروك
الاب:مبروك وسبها ومشى
بصت مريم على والدها وكانت نفسها يخدها فى حضنها ويفرح بيها
الام:معلش ياحبيبتي يلا قومى صلى ركعتين شكر لله
مريم:حاضر
اتوضت مريم وصلت وسجدت وهى بتعيط شكرا يارب كنت واتقه هترضينى
وقدمت مريم على هندسه واتعرفت على بنت اكبر منهابسنه وكانت ديمابتشجعها وبتقف جنبها وبتساعدها وكل ما تستسلم وتوقف تفضل تقولها خلاص هانت ياكتكوت خلاص وكانت دايمابتشجعها حتى لو بكلمه
وعدت اولى سنه بتقدير امتياز
وبعد مرور اربع سنين اتخرجت مريم بتقدير امتياز مع مرتبه الشرف وبقت دكتوره فى الجامعه لدرسه فيها
وبعد مرورسنتين فتحت شركه هندسه وبقت سيده اعمال
فى الشركه
السكرتيره:اتفضلى الملف لطلبتيه
مريم:شكرا لما توصل المدام رحمه دخليها على طول
السكرتيره:حاضر
مريم:قامت وقفت قدام الشباك وهى بتبص على الشارع
ياه يامريم معقول انا مريت بدا كله
اقدر اقول بكل فخر اناوصلت وفخوره بيكى يانفسى انك مريتى بدا كله والافضل الاكبر ليك انت يارب
شكرا يارب على وقفتك جنبى شكرا على كل مره فقدت فيها الامل وانت اكرمتنى شكرايارب
رحمه:كتكوتى سرحان فى ايه
مريم:رحمه وحشتيني وحشتيني
رحمه:وانتى اكتر كنت سرحان فى ايه جميل
مريم:فى الماضى
رحمه:يا حبيبتي عارفه لمريتى بيه صعب
بس احنا ديمابنقول
رحمه ومريم بصوت واحد
«هترضينى وانا واثقه »
"مع كل خطوة نجاح في ضريبة لازم تتدفع"
لـِ آيه عاطف حسنين
حلوه جدا ❤
ردحذفحلو اووي🤍🤍🤍
ردحذفحلو اوووي
ردحذفحلو اوى ♥♥♥♥
ردحذف