_حدثينا عن سيرتك الذاتية؟
بدأت من تقريبًا سنتين، كنت بكتب اسكريبتات بس لغاية ما طورت من نفسي وبدأت اكتب خواطر، وكتبت تقريبًا ٦ روايات.
_حدثينا عن موهبتك وكيف تم اكتشافها؟
موهبتي الكتابة، اكتشفتها اختي اللي اكبر مني وساعتها كنت بقرأ بس كان لسه شغف الكتابة ف قلبي.
_حدثينا عن أول عمل لكِ ، وكم استغرق من الوقت في كتابته؟
اول حاجة كتبتها كان اسكريبت ديني وكنت شايفاه صعب لكن الحمد لله كتبته ف ساعة تقريبًا.
_بمن تأثرتِ من الأدباء في بداياتك؟
احمد خالد توفيق، حقيقي قرأتله كتير ومازالت كتاباته محفورة ف مخي
_ما هي الرواية او العمل الأدبي المفضل لك بشكل عام؟
رواية نار سموم
_ما الذي دعمك وشجعك لتصل إلى ما انت عليه الآن؟
أمي واختي اللي اكبر مني، واهلي كلهم كانوا الداعم الاول والاخير ليا.
_هل هناك وقت معين تخصصه للكتابة ؟
الكتابة عمةً ملهاش معاد معين عندي، انا اقدر اكتب ف اي وقت واي مكان
_ما الدافع الذي يشجعك على الكتابة ؟ وما الذي يلهم قلمك؟
الدافع هو فخر امي بيا ودا الهامي الاول والاخير
_هل يحدث لك ما يطلقون عليه بلوك الكتابة وكيف تتخلص من هذا الشعور؟
بتحصل كتير بس بتخلص منها مجرد ما اسمع تشجيع من حد.
_كلمني عن طموحاتك التي تسعي ان تصل إليها ؟
انزل المعرض او يكونلي عمل الناس كلها حباه وتبقي عارفه مين ديدا الكاتبة.
_ما هي معايير نجاح الكاتب بنظرك؟
أعماله اللي لازم تكون خالية من الاخطاء سواء املائية او نحوية، وكتاباته اللي لازم تكون بفكرة هادفة مش اي رغي يملي العمل وخلاص.
_ما نوع الدعم الذي يحتاجه المبدع المثقف في الوقت الراهن؟
الدعم النفسي والتشجيع دا عامل كبير في نجاح الكاتب ودي اكتر حاجة انا بدور عليها.
_لو احد متابعينك قام بتعليق سلبي على عمل من أعمالك ماذا يكون رد فعلك؟
مبردش علشان الرد ع العبيط بيعمله سيط😂.
_ما رأيك في الفن والادب هذه الفترة بوجه عام ؟
مبقرأش اوي ف الاعمال الادبية غير لأشخاص معينه وبتكون حاجات قديمة فمقدرش ادي اجابا واضحة.
_من وجهة نظرك كيف يتحول الكاتب من كاتب موهوب بالفطرة لكاتب محترف؟
عن طريق القراءة لناس فعلا محترفة، والتنمية عن طريق الكورسات .
_هل تعرضت من قبل لشئ احبطك في مجالك؟
اه بس قدرت اتخطاه الحمد لله.
_كيف ترين الكتابة ؟ بوح؟ عملية استشفاء؟ هروب من الواقع؟ مواجهة مع الذات؟ أو مع الأخر؟
هروب من الواقع بمعناها الواضح،بهرب من العالم اللي انا فيه لعالم تاني انا اللي مكوناه بدماغي وتفكيري.
_هل انت مع أم ضد استخدام الكاتب لالفاظ خارجة عن الأخلاق العامة بحجة توصيل المعنى للقارئ؟
ضد اكيد.
_هل تعتقد أن الكتابة تندرج تحت مسمي الهواية أم الموهبه؟
بصراحه انا بحسها الاتنين يعني مثلا الانسان بيتولد موهوب بالكتابة وبعد كدا بتتحول لهواية وبنحبها من قلبنا.
_هل تفضل النشر الورقي ام الالكتروني خاصتاً بعد انتشاره في هذه الفترة ؟
بالنسبالي كل نشر وليه فترة، مينفعش كاتب مبتدئ ملوش اي اعمال ومحدش يعرفه ينشر ورقي طب مين هيقرأ؟ من وجهة نظري الاكتروني الاول ونبدأ نطلع واحدة واحدة ع السلم.
_ما الذي يجعل الكاتب مميزاً عن غيره؟
كتاباته الهادفة وافكاره المختلفة.
_هل تمتلكين مواهب اخري؟
الرسم
_كلمنى عن إنجازاتك ؟
عملت حوار صحفي،وخدت اكتر من ٢٠ شهادة من اماكن مختلفه واكتر من ١٠ دروع، وليا رواية نار سموم وعزيزة اباها.
_هل تفضل الكتابة بالفصحى ام بالعامية؟
الكاتب الشاطر يقدر يكتب الاتنين ويطلع الاتنين بافضل وجه، بالنسبالي الاتنين اقدر اطلع منهم اسكريبت او رواية والاتنيم افضل من بعض.
_ما النصائح التي تريد توجيهها للكُتاب المبتدئين؟
القراءة والتنمية دي اهم حاجة
_كلمتك الأخيرة للقاء ؟
شكرًا للمبادرة انها سمحتلي بالمشاركة، وشكرًا لامي علي تشجيعها ليا ووقوفها جنبي ،وشكرًا لاي حد شجعني من قلبه قبل كدة.
إرسال تعليق